اردوورلڈ کینیڈا ( ویب نیوز )مسلم لیگ (ن) کے قائد نواز شریف نے آئندہ عام انتخابات میں کامیابی کا عندیہ دیتے ہوئے اس بات پر زور دیا کہ آنے والا وقت ہمارا ہے اور پاکستانی معیشت کی بحالی اور مہنگائی کا خاتمہ ہماری حکومت کی اولین ترجیح ہو گی۔
دبئی میں مسلم لیگ یو اے ای کے وفد سے ملاقات کے دوران انہوں نے کہا کہ مسلم لیگ ن پاکستان کی معیشت کو بحرانوں سے نکالے گی کیونکہ مسلم لیگ ن نے ہمیشہ پاکستان کو مشکل وقت سے نکالا ہے
آصف زرداری اور بلاول بھٹو بھی دبئی پہنچ گئے،نواز شریف سے اہم ملاقات کا امکان
مسلم لیگ یو اے ای کے وفد کی قیادت مسلم لیگ یو اے ای کے صدر غلام مصطفیٰ مغل نے قائد سے ملاقات کی جبکہ نواز شریف کے ہمراہ مریم نواز بھی تھیں۔
نواز شریف مریم نواز کے ہمراہ 4 جولائی کو جدہ جائیں گے۔
سابق وزیراعظم نواز شریف 4 جولائی کو دبئی سے جدہ روانہ ہوں گے اور ان کے ہمراہ مسلم لیگ ن کی سینئر نائب صدر مریم نواز بھی ہوں گی۔
جاری کردہ شیڈول کے مطابق نواز شریف 10 جولائی کو جدہ سے لندن کے لیے روانہ ہوں گے جب کہ مریم نواز پاکستان واپس آئیں گی۔ میاں نواز شریف جدہ میں قیام کے دوران اہم ملاقاتیں کریں گے۔ اطلاعات کے مطابق نواز شریف تاجروں اور آئل کمپنیوں کے نمائندوں سے ملاقاتیں کریں گے۔۔
نااہلی کی مدت پانچ سال کرنےکابل منظورہوگیا،نواز شریف،جہانگیرترین مستفید ہونگے
واضح رہے کہ 24 جون کو موصول ہونے والی اطلاعات کے مطابق مسلم لیگ (ن) کے قائد نواز شریف اور مریم نواز کے درمیان دبئی میں ہونے والی ملاقات میں سابق وزیراعظم نواز شریف کی وطن واپسی سے متعلق اہم مشاورت کی گئی ہے ۔
