اردو ورلڈ کینیڈا ( ویب نیوز )آئین کا سنگین مذاق اڑایا جا رہا ہے ،وزیراعظم شہباز شریف نے کہا ہے مقننہ اور عدلیہ کے اختیارات کا ناجائز استعمال کیا جا رہا ہے
وزیراعظم شہباز شریف نے قومی اسمبلی سے خطاب میں کہا کہ میں اس معزز ایوان اور پوری قوم کو دل کی گہرائیوں سے مبارکباد دینا چاہتا ہوں، 2023 میں 1973 کے آئین کو 50 سال گزر چکے ہیں، میں پوری قوم کو مبارکباد دیتا ہوں
انہوں نے کہا کہ اس آئین نے ہماری مذہبی روایت کے ساتھ ساتھ چاروں صوبوں کو ایک ہی جنگ میں ڈال رکھا ہے۔ 1973 کے آئین پر شہید ذوالفقار علی بھٹو اور سیاسی رہنمائوں کی کاوشیں ناقابل فراموش ہیں۔ چل
انہوں نے کہا کہ جب ہم اپوزیشن میں تھے تو بددیانتی سے ہم پر جھوٹے مقدمات بنائے گئے، قوم کی بیٹی کو گرفتار کیا گیا اور کسی نے نوٹس نہیں لیا، آج ایک لاڈلا تکبر سے بات کر رہا ہے۔ اس نے قانون اور آئین کی دھجیاں اڑائی ہیں، یہ وہی لاڈلا ہے جس نے پارلیمنٹ پر دھاوا بولا، اس کے حواریوں نے سپریم کورٹ کے باہر گندے کپڑے لٹکائے لیکن پھر بھی اپنی تنخواہ جیب میں ڈالی۔
وزیراعظم کا کہنا تھا کہ لاڈلا کسی عدالت میں پیش نہیں ہوتا، اسے چاہے جتنے بھی نوٹس ملیں، رات کے اندھیرے میں اسے مختلف عدالتوں میں توسیع مل جاتی ہے۔ وہ عدلیہ کا مذاق اڑاتے ہیں۔
شہباز شریف نے کہا کہ اس لاڈلے کی حکومت نے آئی ایم ایف سے کیے گئے معاہدے پر عمل نہیں کیا۔ میری حکومت نے وعدہ خلافی نہیں کی ، بڑی مشکل سے اس مخلوط حکومت نے پاکستان کو ڈیفالٹ سے بچانے کی دن رات کوشش کی۔
انہوں نے کہا کہ آج بھی ہم آئی ایم ایف کے ساتھ لگے ہوئے ہیں، آج آئی ایم ایف ہم سے قدم قدم پر گارنٹی لیتا ہے، جو ہم دے رہے ہیں ، اب دوست ممالک سے وعدہ پورا کرنے کا کہا جا رہا ہے، ہم بھی وہ کر رہے ہیں۔
