اردو ورلڈ کینیڈا ( ویب نیوز )وزیر اعظم شہباز شریف نے لاہور میں زیر تعمیر پل سائٹ کا تعمیراتی کام ایک ماہ میں مکمل کرنے کی ہدایت کی ہے۔

وزیراعظم شہبازشریف نے زیر تعمیر لاہور پل سائٹ کا دورہ کیا، ایل ڈی اے حکام اور دیگر افسران نے وزیراعظم کو بریفنگ دی، اس موقع پر نگران وزیراعلی پنجاب محسن نقوی، چیف سیکرٹری اور دیگر متعلقہ حکام بھی موجود تھے۔وزیراعظم نے متعلقہ حکام کو منصوبے کو ڈھائی ماہ کی بجائے ایک ماہ میں مکمل کرنے کی ہدایت کی۔

چیف انجینئر ایل ڈی اے اسرار سعید نے وزیراعظم کو منصوبے پر بریفنگ دیتے ہوئے بتایا کہ اوور ہیڈ برج کی لمبائی 540 میٹر اور چوڑائی 11.1 میٹر ہے، ایل ڈی اے کے منصوبے کا تخمینہ 1712 ملین ہے۔

وزیراعظم نے سی بی ڈی منصوبے پر تھرڈ پارٹی کو تبدیل کرنے کی ہدایت کرتے ہوئے کہا کہ منصوبے کی جلد تکمیل سے عوام کو سہولت ملے گی۔

شہباز شریف نے 24 گھنٹے کام کر کے منصوبے کو دو ہفتوں میں مکمل کرنے کی ہدایت کی۔

وزیراعظم نے کہا کہ تمام مشینیں لگائیں اور کام جلد مکمل کریں، مجھے ڈھائی ماہ مت بتائیں، عید کی چھٹیوں میں مزدوروں کو 3 گنا اجرت دیں تو خوشی سے کام کریں گے۔