اردوورلڈ کینیڈا ( ویب نیوز )دریائے ستلج میں پانی کی سطح میں مسلسل اضافہ، ہیڈسلیمانکی، لالہ امرسنگھ اور بھونڈی کے قریب حفاظتی بند پھٹنے سے فصلوں کو نقصان اور کئی دیہات متاثر ہوئے۔
دریائے ستلج میں سلیمانکی ہیڈ سے 81071 کیوسک پانی لے جانے والاریلا عارف والا کی حدود میں داخل ، بلاری قصوریہ اراضی دلاور کے مقام پر پانی کی سطح 16 فٹ تک بلند ہوگئی، فصلیں بڑے پیمانے پر تباہ، لوگوں کی نقل مکانی کا سلسلہ جاری ہے۔

پاکپتن کے مقام پر پانی کے تیز بہاؤ کے باعث ہزاروں ایکڑ پر کھڑی دھان، مکئی، کپاس اور چارے کی فصلیں سیلابی پانی سے تباہ ہو گئیں۔ سیلابی پانی کئی بستیوں میں بھی داخل ہوگیا، ریسکیو ٹیمیں مکینوں کو ریلیف کیمپوں اور محفوظ مقامات پر منتقل کرنے میں مصروف ہیں۔
بہلنگر میں بھوک پتن کے مقام پر پانی کی سطح میں مسلسل اضا ہیڈ سلیمانکی۔ ہیڈ ورکس سے 73000 کیوسک سے زائد پانی گزر رہا ہے۔
بہاولنگر میں ندی کی پٹی سے ملحقہ علاقوں میں وسیع فصلیں اور کیمپ زیرآب آگئے، ضلعی انتظامیہ نے تمام اداروں کو ہائی الرٹ جاری کردیا، مکین محفوظ مقامات پر منتقل ہونے پر مجبور ہوگئے۔
دوسری جانب منچن آباد میں ہیڈ سلیمانکی کے مقام پر پانی کی سطح مزید بلند ہوگئی
ریسکیو حکام کے مطابق پانی میں ڈوبے انسانوں اور جانوروں کو نکالا جا رہا ہے، اب تک دو سو سے زائد افراد کو بچا لیا گیا ہے، مزید ریسکیو جاری ہے۔
دوسری جانب دریائے ستلج گنڈاسنگھ میں پانی کی سطح مزید کم ہو کر ساڑھے 15 فٹ رہ گئی ہے، ہیڈ گنڈاسنگھ والا سے پانی کا اخراج 20 ہزار کیوسک رہ گیا ہے۔