اردو ورلڈ کینیڈا ( ویب نیوز)وزیر خزانہ اسحاق ڈار نے ایک بار پھر واضح کیا ہے کہ ثابت کر سکتا ہوں کہ پاکستان کے ڈیفالٹ ہونے کا کوئی خدشہ نہیں، سنگین مسائل کے باوجود ہم ڈیفالٹ نہیں کریںگے۔

پاکستان اسٹاک ایکسچینج کی تقریب سے خطاب کرتے ہوئے اسحاق ڈار نے کہا ہے کہ پی ٹی آئی حکومت نے ایس ای سی پر توجہ نہیں دی اپنی سیاست کے لیے پاکستان کو نقصان پہنچایا جا رہا ہے اور ملک کو ڈیفالٹ کرنے کی باتیں ہو رہی ہیں۔ اس نے لوگوں کو خوفزدہ کردیا۔

ان کا مزید کہنا تھا کہ سنگین مسائل ہیں لیکن انہیں حل کرنا ہے، ہمیں کسی کے خلاف انتقامی کارروائی نہیں کرنی ہے، ملک کی معیشت کو ٹھیک کرنا ہے، میں ثابت کر سکتا ہوں کہ پاکستان ڈیفالٹ نہیں کرے گا

یہ پھی پڑھیں

پاکستان کو ڈیفالٹ کا کوئی خطرہ نہیں،اسحاق ڈار

آنے والے چند ماہ میں پاکستان کی پوزیشن واضح ہو جائے گی، پاکستان کے مسائل حل کر رہا ہوں، یہ ماضی کا پاکستان نہیں، ملک ڈیفالٹ کیوں ہو گا؟

انہوں نے کہا کہ 2013 میں بھی کہا جا رہا تھا کہ پاکستان 6 ماہ میں ڈیفالٹ ہو جائے گا، آمر آئی ایم ایف پروگرام مکمل نہیں کر سکے، ن لیگ نے آئی ایم ایف پروگرام مکمل کیا۔

اس سے پہلے سابق وزیر خزانہ نے کہا تھا کہ ملک ڈیفالٹ کی طرف جارہا ہے

پاکستان کے ڈیفالٹ ہونے کا خطرہ موجودہے، مفتاح اسماعیل

اسحاق ڈار نے کہا کہ معیشت کو جو کچھ ہوا اس کا ذمہ دار میں نہیں ہوں، پڑوسی ملک کو ڈالر کی اسمگلنگ بہت بڑا مسئلہ ہے، ہمیں ڈالر، گندم اور کھاد کی اسمگلنگ کو روکنا ہے