اردو ورلڈ کینیڈا ( ویب نیوز )صارف عدالت نے عید کا سوٹ بروقت نہ پہنچانے پر درزی پر 48 ہزار روپے جرمانہ عائد کر دیا۔
کراچی کی صارف عدالت شرقی کی جج فہمیدہ ساہووال نے عید کے موقع پر سوٹ نہ دینے کی درخواست پر فیصلہ سنایا۔ درزی فہیم نہ تو عدالت میں پیش ہوئے اور نہ ہی ان کی جانب سے کوئی وکیل پیش ہوا۔
فیصلے میں عدالت نے کہا کہ درزی بغیر سلے سوٹ کی قیمت ادا کرے اور درخواست گزار کو نیا سوٹ خریدنے پر خرچ ہونے والی رقم کے ساتھ ساتھ سفری چارجز بھی ادا کرے۔
دائر درخواست میں درخواست گزار نے موقف اختیار کیا کہ اس نے 21 اپریل 2022 کو طارق روڈ پر واقع ایک معروف درزی کو سوٹ گزشتہ رمضان میں دیا تھا اور درزی سے کہا تھا کہ وہ 28 اپریل کو سوٹ تیار کر لے کیونکہ اسے اپنے گائوں جانا ہے
درخواست گزار کے مطابق درزی نے 28 اپریل کو سوٹ دینے کی یقین دہانی کرائی تھی، 23 اور 24 اپریل کو درزی سے رابطہ کیا تو درزی نے کہا کہ سوٹ وقت پر مل جائے گا۔
درخواست گزار کے مطابق 28 اپریل کو اس نے درزی کو سوٹ لینے آنے کو کہا۔ درزی نے کہا کہ رات دیر سے آئے گا۔ وقت پر سوٹ نہیں ملا تو اس نے درزی کو میسج کیا کہ وہ خود سوٹ پہن لے، درزی کو عید پر سلا ہوا سوٹ نہیں ملا تو اسے دوسرا سوٹ خریدنا پڑا۔
