115 اردو ورلڈ کینیڈا ( ویب نیوز )عدالت نے پنجاب حکومت سے 9 مئی کو ملک میں ہونے والے پرتشدد واقعات کے بعد نظر بندیوں پر جواب طلب کیا ہے۔
اردو ورلڈ کینیڈا ( ویب نیوز )عدالت نے پنجاب حکومت سے 9 مئی کو ملک میں ہونے والے پرتشدد واقعات کے بعد نظر بندیوں پر جواب طلب کیا ہے۔
ہائی کورٹ میں ایم پی او 3 اور 16 کے تحت نظر بندیوں کے خلاف درخواست پر سماعت ہوئی جس میں عدالت نے اٹارنی جنرل آف پاکستان اور ایڈووکیٹ جنرل پنجاب کو معاونت کے لیے طلب کر لیا۔
اقوام متحدہ کی 9 مئی کے واقعات میں ملوث شہریوں کیخلاف آرمی ایکٹ کے تحت کارروائی کی مذمت
عدالت نے 9 مئی کے واقعات کے بعد حراست میں لیے گئے افراد کی تفصیلات طلب کر لیں۔جسٹس امجد رفیق نے کہا کہ بتایا جائے کتنے لوگوں کو حراست میں لینے کا حکم دیا گیا۔
جسٹس امجد رفیق نے تحریک انصاف کی سابق رکن اسمبلی زینب عمیر کی درخواست پر سماعت کرتے ہوئے پنجاب حکومت سے تفصیلی اور جامع جواب بھی طلب کر لیا۔ درخواست گزار نے ایم پی اور 3 اور 16 کو چیلنج کیا تھا۔
سماعت کے دوران ایڈووکیٹ اظہر صدیق نے عدالت کو بتایا کہ جنرل آرڈیننس کا سیکشن 3 اور 16 آئین کے آرٹیکلز کے خلاف ہے جب کہ پنجاب حکومت کے وکیل نے درخواست کی مخالفت کرتے ہوئے اسے ناقابل سماعت قرار دیا۔
