اردو ورلڈ کینیڈا ( ویب نیوز )ڈالر کی اڑان اور شرح سود میں اضافے کے باعث فیصل آباد ٹیکسٹائل سیکٹر میں پہلے سے موجود بحران مزید سنگین ہوگیا، صنعتی تنظیموں نے احتجاجی لائحہ عمل اپنانے کا فیصلہ کرلیا۔

فیصل آباد ٹیکسٹائل سیکٹر نے ڈالر کی بے لگام قیمت اور شرح سود میں اضافے کو صنعت کے لیے انتہائی تشویشناک قرار دیتے ہوئے کارخانے مکمل طور پر بند ہونے کا خدشہ ظاہر کیا ہے۔
برآمد کنندگان کا کہنا ہے کہ ٹیکسٹائل سیکٹر میں جاری ڈاؤن سائزنگ پریشان کن صورتحال میں تیز ہو سکتی ہے۔
فیصل آباد ٹیکسٹائل سیکٹر کی حکومت سے اپیل ہے کہ اس صنعت کو بچانے کے لیے ہنگامی بنیادوں پر اقدامات کیے جائیں۔