اردو ورلڈ کینیڈا ( ویب نیوز ) سویڈن میں قرآن پاک کی بے حرمتی کرنے والا ملعون سیلوان مومیکا کی آخرت تو برباد ہوئی ہی تھی ، دنیا میں بھی بدنامی اور بے عزتی مقدر بن گئی۔

سویڈن میں دو بار قرآن پاک کو جلانے کی جرات کرنے والے سیلوان مومیکا کی ویڈیو سوشل میڈیا پر وائرل ہو رہی ہے جس میں ریسٹورنٹ کا مالک ملعون کو باہر نکال رہا ہے۔

#سویڈن میں #قرآن پاک کی بے حرمتی کرنے والے ملعون سیلوان مومیکا کو ایک عیسائی دکاندار نے سودا دینے سے انکار کر دیا اور اسے اپنے ریسٹورنٹ سے باہر نکال دیا #قران_کی_بےحرمتی_نامنظور pic.twitter.com/bKkzn5XruN

— ترکیہ اردو (@TurkiyeUrdu_) July 24, 2023

ریسٹورنٹ کا مالک مسلمان نہیں بلکہ عیسائی ہے لیکن وہ ملعون سلوان مومیکا کو اپنے ریستوران میںقرآن پاک کی بے حرمتی کرنے کی اجازت دینے کو تیار نہیں۔ ویڈیو میں دیکھا جا سکتا ہے کہ ریسٹورنٹ کے مالک نے سیلوان مومیکا کو کھانے پینے کی کوئی چیز دینے سے انکار کر دیا اور اسے باہر جانے کو کہا اور سیلوان مومیکا کی بات نہیں سنی۔ویڈیو سوشل میڈیا پر وائرل ہوتے ہی صارفین نے ریسٹورنٹ کے مالک کے جذبے کی تعریف کی اور لکھا کہ دوسروں کے مذہب کی توہین کرنے والے اسی طرح کے سلوک کے مستحق ہیں۔