نگران وزیر داخلہ سرفراز بگٹی نے کہا ہے کہ غیر قانونی تارکین وطن کے انخلا سے متعلق تاریخ میں کوئی توسیع نہیں کی جائے گی۔
سرفراز بگٹی کا کہنا ہے کہ غیر قانونی مقیم افراد کے انخلا سے متعلق جیو فیسنگ اور جیو میپنگ مکمل کر لی گئی ہے، ہم دستاویز رجیم پالیسی میں پاسپورٹ اور ویزہ لے کر آنے والوں کی حوصلہ افزائی کر رہے ہیں۔
انہوں نے کہا ہے کہ اب لوگ ہمارے ملک میں ویزہ لے کر آئیں گے، ایسا کسی ملک میں نہیں ہوتا کہ روزانہ 12 سے 15 ہزار لوگ سفری دستاویزات کے بغیر سفر کریں، ون ڈاکومنٹ ریجیم کے تحت قلعہ عبداللہ میں پاسپورٹ آفس کا افتتاح کررہے ہیں۔
انہوں نے کہا کہ غیر ملکی پاسپورٹ کے ذریعے ویزہ لے کر آئیں، ہمیں کوئی اعتراض نہیں، ایران افغان سرحد پر پاکستان کا کاروبار کرنے کا اپنا طریقہ کار ہے، ہم نے بلوچستان میں کاروبار نہیں اسمگلنگ روک دی ہے۔ ایک بڑا چیلنج ہے لیکن ریاست اس چیلنج سے نبردآزما ہوگی۔