کاغذات نامزدگی کی وصولی انتخابی شیڈول کے اعلان کے اگلے روز شروع کر دی جائے گی۔

ای سی پی کے اعلیٰ ذرائع کے مطابق  الیکشن کمیشن نے پورے عمل کے لیے 54 دن دینے کا فیصلہ کیا ہے جو کہ 8 فروری کو قومی اور صوبائی اسمبلیوں کے لیے پولنگ کے ساتھ اختتام پذیر ہوگا۔

الیکشن شیڈول کے اعلان کے ساتھ ہی وفاقی اور صوبائی حکومتوں کی پوری انتظامیہ انتخابات کے انعقاد میں کمیشن کی معاونت کی پابند ہو گی۔

یاد رہے کہ چند روز قبل سوشل میڈیا پر انتخابی شیڈول گردش کر رہا تھا جس کی ترجمان الیکشن کمیشن نے واضح الفاظ میں تردید کرتے ہوئے کہا تھا کہ الیکشن کمیشن کے ترجمان ہی انتخابی شیڈول کا اعلان کریں گے، لہٰذ ا کسی اور شیڈول پر کان نہ دھرے جائیں ۔