اردو ورلڈ کینیڈا ( ویب نیوز ) سمندر میں حادثے کا شکار ہونے والی آبدوز ٹائٹن پر سوار شہزادہ داؤد اور ان کے بیٹے سلیمان داؤد کی سمندر سے آخری تصویر سامنے آگئی ہے۔

داؤد خاندان کی جانب سے شہزادہ داؤد اور بیٹے سلیمان داؤد کی آخری تصویر جاری کی گئی جسے امریکی ادارے نیویارک پوسٹ نے شائع کیا۔

یہ بھی پڑھیں

کینیڈا کی سرحد سے لاپتہ آبدوز میں سوار ارب پتی پاکستانی باپ بیٹا کون ہیں ؟

تصویر کے پس منظر میں بحر اوقیانوس کو واضح طور پر دیکھا جا سکتا ہے جو کہ اگلے چند گھنٹوں میں شہزادہ داؤد اور سلیمان داؤد کی آخری آرام گاہ بن گیا ۔نیویارک پوسٹ کے مطابق شائع ہونے والی تصویر ٹائی ٹینک کے ملبے کو دیکھنے جانے سے چند لمحے قبل لی گئی تھی جس میں شہزادہ داوئود کو اپنے بیٹے سلیمان کے ساتھ خوشی سے پوز دیتے ہوئے دیکھا جا سکتا ہے۔

مزید پڑھیں

سمندر میں لاپتہ آبدوز کے بارے میں برطانوی اخبار کے حیرت انگیز انکشافات

تصویر میں دونوں شخصیات کو بحر اوقیانوس کی تہہ تک ٹائٹینک کے سفر کے لیے نارنجی رنگ کی جیکٹس، ہیلمٹ اور حفاظتی دستانے پہنے دیکھا جا سکتا ہے۔رپورٹ کے مطابق اس تصویر کے فوراً بعد شہزادہ داؤد اور سلیمان سمیت پانچ افراد ٹائی ٹینک کی باقیات دیکھنے کے لیے آبدوز میں روانہ ہوگئے۔