اردو ورلڈ کینیڈا ( ویب نیوز )وزیر آباد میں لانگ مارچ کے دوران پی ٹی آئی چیئرمین عمران خان اور پارٹی کے دیگر رہنماؤں پر حملے کے الزام میں پولیس نے ایک اور شخص کو حراست میں لے لیا، تاہم واقعے کا مقدمہ تاحال درج نہیں کیا جاسکا۔
سابق وزیراعظم کو ان کی ٹانگ میں اس وقت گولی لگی جب ایک مسلح شخص نے ان کے کنٹینر پر فائرنگ کی
ایف آئی آر میں وفاقی حکومت کے ساتھ ساتھ اہم سیاسی جماعت کے رہنماؤں کو بھی نامزد کرنے پر غور کیا جا رہا ہے تاہم پی ٹی آئی کو ابھی یہ فیصلہ کرنا ہے کہ مدعی کون ہوگا۔
ذرائع نے بتایا کہ دو الگ الگ ایف آئی آر درج کرنے کا آپشن بھی زیر غور ہے
پولیس کے مطابق یہ فیصلہ مشکل ہو گیا ہے کہ مقدمہ کہاں اور کون درج کرے گا۔
پی ٹی آئی ذرائع کے مطابق گجرات کے پولیس افسر سے بار بار رابطہ کرنے کی کوشش کی لیکن کوئی جواب نہیں ملا۔
پولیس پی ٹی آئی سربراہ کی جانب سے ان کی درخواست کی جانچ کے بعد مقدمہ درج کرے گی۔