اردو ورلڈ کینیڈا ( ویب نیوز )پاکستان پیپلز پارٹی کے چیئرمین اور وزیر خارجہ بلاول بھٹو زرداری نے کہا ہے کہ شہید کی جو موت ہے وہ قوم کی حیات ہے۔
بلاول بھٹو نے یوم شہداء کے موقع پر اپنے ویڈیو پیغام میں کہا کہ ہر محب وطن پاکستانی اپنی مٹی کی محبت میں شہید ہونے والوں سے محبت کرنا اپنا فرض سمجھتا ہے۔

یوم شہدائے پاکستان آج منایا جائے گا،قرآن خوانی،دعائوں کا اہتمام کیا جائے گا

انہوں نے کہا کہ جو قومیں اپنے شہداء کو بھول جاتی ہیں ان کا نام تاریخ میں لینے والا کوئی نہیں ہوتا، ہم سب شہداء کے خون کے مقروض ہیں۔
وزیر خارجہ نے کہا کہ آئیں مل کر عہد کریں کہ پاکستان کی ترقی اور خوشحالی کے لیے ہم نفرتوں کی تمام دیواروں کو گرا دیں گے اور ملک کے تمام شہداء کی قربانیوں کو نہ صرف یاد رکھا جائے گا بلکہ ان کی حرمت کا بھی خیال رکھا جائے گا۔