Imran 
اردو ورلڈ کینیڈا ( ویب نیوز ) نیتن یاہو کا کہنا ہے کہ فلسطینی مزاحمتی تحریک حماس کے سربراہ یحییٰ سنوار کی موت غزہ جنگ کے خاتمے کا آغاز ہے۔اسرائیلی وزیر دفاع نے کل غزہ میں ایک عمارت پر بمباری کے نتیجے میں یحییٰ سنوار سمیت حماس کے 4 رہنماؤں کی ہلاکت کا دعویٰ کیا ہے۔ اس حوالے سے اسرائیلی وزیراعظم بنجمن نیتن یاہو کا بیان بھی سامنے آیا ہے جس میں انہوں نے کہا ہے کہ حماس کے رہنما یحییٰ سنوار کی موت غزہ جنگ کے خاتمے کا آغاز ہے۔
اسرائیلی وزیر اعظم کے دفتر کی طرف سے جاری کردہ ایک بیان میں نیتن یاہو نے کہا کہ یحییٰ سنور کو جمعرات کو رفح میں آئی ڈی ایف کے بہادر فوجیوں نے ہلاک کر دیا۔یاد رہے کہ ایران میں اسماعیل ہنیہ کی شہادت کے بعد یحییٰ سنوار حماس کے نئے سربراہ منتخب ہوئے تھے۔. اسرائیل 7 اکتوبر کے حملے کے پیچھے یحییٰ سنوار کو ماسٹر مائنڈ سمجھتا ہے۔
