اردو ورلڈ کینیڈا ( ویب نیوز ) ترکی اور شام میں آنے والے تباہ کن زلزلے سے ہلاکتوں کی تعداد 46 ہزار سے تجاوز کر گئی ہے۔
ترکی نے زلزلے سے متاثرہ بیشتر صوبوں میں لوگوں کو بچانے کے لیے جاری سرچ اینڈ ریسکیو آپریشن ختم کرنے کا اعلان کیا ہے۔
ترکی میں زلزلے کے 12 دن بعد ایک بچے سمیت 3 افراد کو ملبے سے زندہ نکال لیا گیا،ترکی میں قدرتی آفات سے نمٹنے کے لیے کام کرنے والی تنظیم AFAD کے سربراہ یونس شیراز نے بتایا کہ ترکی میں زلزلے سے ہلاکتوں کی تعداد 40 ہزار 642 تک پہنچ گئی ہے۔
یہ بھی پڑھیں
فیفاکامتاثرین زلزلہ کیلئے 1 ملین ڈالر کی امداد کا اعلان
دوسری جانب شام میں زلزلے سے اب تک 5800 سے زائد ہلاکتوں کی اطلاعات ہیں۔یونس شیراز نے کہا کہ ہمیں تاریخ کی سب سے بڑی تباہی کا سامنا ہے، زلزلے اور آفٹر شاکس سے ہونے والے نقصانات کے اثرات صرف 11 صوبوں تک محدود نہیں ہیں۔واضح رہے کہ 6 فروری کو ترکی اور شام میں 7.8 شدت کا زلزلہ آیا تھا جس کے بعد 5700 سے زائد آفٹر شاکس ریکارڈ کیے جا چکے ہیں۔
مزید پڑھیں
ترکی اور شام میں زلزلہ ، ہلاکتوں کی تعداد 41 ہزار سے تجاوز
عالمی ادارہ صحت کے اندازوں کے مطابق ترکی اور شام میں 26 ملین افراد کو امداد کی ضرورت ہے۔ترکی میں زلزلے سے 84 ہزار عمارتوں کو نقصان پہنچا جب کہ ایک اندازے کے مطابق 35 لاکھ اپارٹمنٹس تباہ ہوئے۔دنیا کے 80 ممالک کے 11,500 کارکن اس وقت امدادی کاموں میں مصروف ہیں۔
