اردوورلڈ کینیڈا( ویب نیوز) ڈونلڈ ٹرمپ کے خلاف دائر کیس کی نگرانی کرنے والے جج نے متوقع فیصلہ امریکی صدارتی انتخابات تک ملتوی کر دیا ہے۔
ریپبلکن صدارتی امیدوار کو کاروباری دستاویزات میں جعلسازی کا الزام ثابت ہونے پر 18 ستمبر کو سزا سنائی جانی تھی لیکن جج جان مرچن نے اسے 5 نومبر کے انتخابات سے قبل 26 نومبر تک ملتوی کر دیا۔
گزشتہ مئی میں ٹرمپ پہلے امریکی صدر بن گئے جنہیں کسی جرم میں سزا سنائی گئی، جب نیویارک کی ایک جیوری نے انہیں 2016 کے انتخابات سے قبل فحش اداکارہ کی خاموشی خریدنے کے لیے ادا کی گئی رقم چھپانے کے لیے جعلی دستاویزات بنانے کا مجرم قرار دیا۔ ا
دو دن تک غور و خوض کے بعد 12 رکنی جیوری نے اعلان کیا کہ اس نے ٹرمپ کو ان تمام 34 الزامات کا مجرم پایا ہے جن کا وہ سامنا کر رہے ہیں۔
اس فیصلے نے 5 نومبر کے صدارتی انتخابات سے پہلے امریکہ کو ایک غیر معمولی صورتحال میں ڈال دیا، 77 سالہ ٹرمپ نے کسی بھی غلط کام سے انکار کیا اور بعد میں فیصلے کے خلاف اپیل کی۔
ٹرمپ کو مقدمے میں زیادہ سے زیادہ چار سال قید کی سزا ہو سکتی ہے لیکن ایسے جرائم کے مرتکب افراد کو عموماً کم سزائیں ملتی ہیں، انہیں جرمانے کا سامنا کرنا پڑتا ہے۔
