مسلم لیگ ن کے ذرائع کے مطابق مسلم لیگ ن کی قیادت نے کابینہ میں توسیع کے حوالے سے مشاورت مکمل کر لی ہے۔ پنجاب کابینہ میں توسیع کا فیصلہ پارٹی قائد نواز شریف نے کیا۔اس حوالے سے ذرائع کا کہنا ہے کہ سابق وفاقی وزیر داخلہ رانا ثناء اللہ کو پنجاب میں اہم ذمہ داری دینے کا فیصلہ کیا گیا ہے۔پنجاب کابینہ میں قانونی اور پارلیمانی امور کا قلمدان رانا ثناء اللہ خان کو دینے کا فیصلہ کیا گیا ہے جب کہ کابینہ میں 5 سے 8 وزراء اور معاونین بھی شامل کیے جائیں گے۔ذرائع نے مزید بتایا ہے کہ سینئر سیاستدانوں کو صوبائی کابینہ میں شامل کرنے کی تجویز بھی دی گئی ہے تاہم پنجاب کابینہ میں توسیع سینیٹ انتخابات کے فوری بعد کی جائے گی۔