اردو ورلڈ کینیڈا ( ویب نیوز ) پنجاب اسمبلی می وزیراعلیٰ کے اعتماد کے ووٹ کا عمل مسترد ، پاکستان مسلم لیگ ن نے عدالت سے رجوع کرنے کا اعلان کر دیا ۔ چوہدری پرویز الٰہی رات گئے پنجاب اسمبلی میں اعتماد کا ووٹ حاصل کرنے میں کامیاب رہے، انہیں 186 ووٹ ملے۔
پاکستان تحریک انصاف (پی ٹی آئی) نے گزشتہ روز پنجاب اسمبلی میں پرویز الٰہی کے خلاف اعتماد کے ووٹ کے لیے رات گئے کارروائی شروع کردی۔ راجہ بشارت اور میاں اسلم اقبال نے اعتماد کا ووٹ پیش کیا جس کے بعد ووٹنگ کا عمل جاری رہا، ووٹنگ کی گنتی کے مطابق پرویز الٰہی 186 ووٹوں کا سنہری فگر حاصل کر سکے۔
یہ بھی پڑھیں
پرویز الہی کا پی ڈی ایم کو سرپرائز،اعتماد کا ووٹ حاصل کر لیا
مسلم لیگ ن کے رہنماؤں نے لاہور میں میڈیا سے گفتگو کرتے ہوئے پنجاب کے اعتماد کے ووٹ کے عمل کو مسترد کرتے ہوئے اس عمل کو عدالت میں چیلنج کرنے کا اعلان کیا۔ وفاقی وزیر داخلہ راناثنا اللہ نے کہا کہ پنجاب اسمبلی کا آج کا اجلاس غیر آئینی ہے، اسے نہیں مانتے، آج کے اجلاس کی کارروائی میں جھوٹ بولا گیا۔
دوسرا ایجنڈا 12 بجے کے بعد جاری کیا گیا۔ پرویز الٰہی پنجاب اسمبلی میں اعتماد کا ووٹ حاصل کرنے میں کامیاب ہو گئے۔ انہوں نے کہا کہ الیکشن کے تقاضے پورے نہیں کیے گئے، جوڑ توڑ سے غیر آئینی اور غیر قانونی کام کیا گیا۔ لیگی رہنما عطا اللہ تارڑ نے کہا کہ وہ قانونی کارروائی کا حق محفوظ رکھتے ہیں اور عدالتی کارروائی میں ثابت کریں گے کہ ان کے 186 ارکان نہیں تھے۔
