اردو ورلڈ کینیڈا ( ویب نیوز ) اسرائیلی وزیر اعظم بنیامین نیتن یاہو اور ان کے سابق وزیر دفاع یوو گیلنٹ کے لیے دنیا چھوٹی ہو گئی ہے۔.

بین الاقوامی فوجداری عدالت کی جانب سے ان دونوں کے خلاف وارنٹ گرفتاری جاری کرنے کے بعد معاہدہ روم کے تحت آئی سی سی میں شامل تمام 124 ممالک ان کی گرفتاری کے پابند ہو گئے۔مقبوضہ فلسطینی علاقوں میں نسل کشی کا مجرم پائے جانے کے بعد یہ دونوں مفرور مجرم بن چکے ہیں۔کینیڈا نے کہا ہے کہ وہ آئی سی سی کے فیصلے کا احترام کرتا ہے، یورپی یونین کے خارجہ پالیسی کے سربراہ کا کہنا ہے کہ تمام 27 رکن ممالک آئی سی سی کے فیصلے کے پابند ہیں۔اٹلی اور ہالینڈ نے کہا ہے کہ اگر نیتن یاہو اور گیلنٹ اپنے ملک آئے تو انہیں گرفتار کر لیا جائے گا۔بیلجیئم نے اقتصادی پابندیوں کا مطالبہ بھی کیا ہے، برطانیہ نے صرف اتنا کہا ہے کہ وہ آئی سی سی کی آزادی کا احترام کرتا ہے۔ترکی اور عراق نے تمام آزاد ممالک پر زور دیا ہے کہ وہ گرفتاری کے وارنٹ پر عمل درآمد کریں۔