اسرائیلی فوج نے یہ بھی کہا ہے کہ 24 گھنٹوں میں غزہ میں حماس کے 450 ٹھکانوں کو نشانہ بنایا گیا، جنگی طیاروں نے حماس کے فوجی ٹھکانوں پر بھی حملے کیے ہیں۔

یہ بھی پڑھیں 

اسرائیل کے اہم ترین ایٹمی شہر کو نشانہ بنایا ہے ،حماس

اسرائیلی فوج کے ترجمان نے کہا ہے کہ حملوں میں ملٹری ہیڈ کوارٹرز، متعدد چیک پوسٹوں اور بھاری توپ خانے کو نشانہ بنایا گیا، حماس کے اڈوں کو نشانہ بنایا گیا جہاں سے اسرائیل پر میزائل داغے جا رہے تھے۔

واضح رہے کہ غزہ میں صیہونی افواج کی جانب سے بے گناہ شہریوں پر شدید بمباری جاری ہے، زمینی، فضائی اور بحری حملوں میں 350 سے زائد فلسطینی شہید ہوچکے ہیں۔

فلسطینی وزارت صحت کے مطابق اسرائیلی فورسز کے حملوں میں شہید ہونے والے فلسطینیوں کی تعداد 9 ہزار سے تجاوز کر گئی ہے جن میں 3 ہزار 600 بچے اور 1900 سے زائد خواتین شامل ہیں۔