اردو ورلڈ کینیڈا ( ویب نیوز ) ایشیا کپ 2023 میں خراب موسم کے باعث پاکستان اور بھارت کے درمیان اگلا میچ ہمبنٹوٹا منتقل کرنے کا فیصلہ کیا گیا ہے۔

پاکستان اور بھارت کے درمیان سپر فور کا میچ 10 ستمبر کو کولمبو میں شیڈول ہے تاہم بارش کی پیش گوئی کے باعث کولمبو میں ہونے والا میچ متاثر ہونے کا خدشہ ہے۔

اس سے قبل پالی کیلے میں بھارت اور پاکستان کا میچ بارش کے باعث نہیں کھیلا جا سکا تھا اور دونوں ٹیموں کو ایک ایک پوائنٹ دیا گیا تھا۔ذرائع کے مطابق کولمبو میں شیڈول تمام میچز ہمبنٹوٹا منتقل کیے جائیں گے، سپر 4 مرحلے کا آغاز 9 ستمبر سے ہوگا جب کہ ایشیا کپ کا فائنل بھی کولمبو میں شیڈول ہے۔

یہ بھی پڑھیں

ایشیا کپ: پاک بھارت میچ بارش کے باعث بے نتیجہ ختم، دونوں ٹیموں کو 1-1  پوائنٹ دیدیا گیا 

دوسری جانب پاکستان کرکٹ بورڈ کی مینجمنٹ کمیٹی کے چیئرمین ذکاء اشرف نے ایشیا کپ کے حوالے سے ایشین کرکٹ کونسل (اے سی سی) کے صدر جے شاہ سے رابطہ کیا ہے اور کہا ہے کہ سری لنکا میں مزید بارشوں کا امکان ہے، پاکستان میں بارشوں کا امکان نہیں ہے اس لیے میچز پاکستان منتقل کرنے کے بارے میں سوچیں۔انہوں نے کہا کہ ایشیا کپ بڑا ٹورنامنٹ ہے، اسے بارش سے متاثر نہیں ہونا چاہیے۔جئے شاہ نے ذکا اشرف کو جواب دیا کہ ہم صورتحال پر غور کریں گے۔