36
اردوورلڈ کینیڈا( ویب نیوز)پاکستان تحریک انصاف نے الیکشن کمیشن کے الیکشن ٹربیونل میں تبدیلی کے اختیار کے خلاف درخواستیں مسترد کرنے کے فیصلے کو اسلام آباد ہائی کورٹ کے ڈویژن بینچ میں چیلنج کر دیا ہے۔
پی ٹی آئی کے تینوں امیدواروں شعیب شاہین، عامر مغل اور علی بخاری نے سنگل بنچ کی جانب سے درخواست مسترد کرنے کے فیصلے کے خلاف انٹرا کورٹ اپیل دائر کر رکھی ہے جس کی سماعت آج مقرر کی گئی ہے۔
جسٹس میاں گل حسن اورنگزیب اور جسٹس ارباب محمد طاہر انٹرا کورٹ اپیل کی سماعت کریں گے۔
پی ٹی آئی کے امیدواروں نے انٹرا کورٹ اپیل میں سیکشن 151 کے تحت الیکشن کمیشن کے اختیار کو بھی چیلنج کیا ہے۔
