اردو ورلڈ کینیڈا ( ویب نیوز ) برطانیہ میں غیر ملکی طلبہ کی تعداد میں کمی سے یونیورسٹیوں کے دیوالیہ ہونے کا خدشہ پیدا ہوگیا ہے۔برطانوی میڈیا رپورٹس کے مطابق یارکشائر کی 10 بڑی یونیورسٹیوں میں سے 4 خسارے میں چلی گئی ہیں جب کہ کچھ یونیورسٹیوں کو عملے اور کورسز کی تعداد کم کرنے پر مجبور کیا گیا ہے۔ایک سروے کے مطابق سال 2024 کے لیے برطانیہ میں اعلیٰ تعلیم (پوسٹ گریجویشن) کے لیے درخواست دینے والے غیر ملکی طلبہ کی تعداد میں 27 فیصد کمی واقع ہوئی ہے۔ برطانوی میڈیا کے مطابق امیگریشن کے سخت قوانین کے باعث غیر ملکی طلباء کی تعداد میں کمی واقع ہوئی ہے۔
گزشتہ سال برطانوی حکومت نے برطانیہ میں تارکین وطن کی تعداد کو کم کرنے کے لیے قوانین کو سخت کرنے کا فیصلہ کیا تھا۔برطانوی وزیر داخلہ جیمز کلیورلی نے پارلیمنٹ میں نئے اقدامات کا اعلان کرتے ہوئے کہا کہ بیرون ملک سے آنے والے ہنر مند کارکنوں کو والدین اور بچوں کو لانے کی بھی اجازت نہیں ہوگی۔
