اردو ورلڈ کینیڈا (ویب نیوز) وزیر مملکت برائے پیٹرولیم ڈاکٹر مصدق ملک نے کہا ہے کہ انہوں نے روس سے خام مال، پٹرول، ایل این جی کی درخواست کی تھی۔ اپنی وزارت کو کہا ہے کہ تیل کے حوالے سے تمام وزراء کو بریفنگ دی جائے، بلاول کو اس حوالے سے آگاہ نہیں کیا جاسکا، ایک سے ڈیڑھ ہفتے بعد ٹائم لائن دے سکتا ہوں، خواہش ہے کہ روس سے تیل کی ترسیل مارچ، اپریل میں شروع ہوجائے۔

نجی ٹی وی کے پروگرام میں گفتگو کرتے ہوئے مصدق ملک نے کہا کہ ہماری کوشش ہے کہ روس دنیا کو جتنا ریٹ دے رہا ہے اس سے سستا ریٹ حاصل کریں۔
روس کے وفاقی وزیر جنوری کے دوسرے ہفتے میں پاکستان کا دورہ کریں گے۔ اس سلسلے میں ایک سیل بنا دیا گیا ہے وہ روسی وزیر کی آمد سے قبل اپنا تمام کام مکمل کر لیں گے۔

ان کا مزید کہنا تھا کہ روس ہمیں رعایت دے گا، ، ہم نے روس سے کہا کہ ہمیں دنیا سے زیادہ رعایت ملنی چاہیے ہم 3 لاکھ بیرل تیل درآمد کرتے ہیں