Imran 
17
اردو ورلڈ کینیڈا ( ویب نیو ز ) مشرق وسطیٰ کے حالات کے پیش نظر امریکا اور یورپ کی توجہ اسرائیل کی مدد کی طرف زیادہ مائل رہی ہے، اس لیے اس عرصے میں یوکرین متاثر ہوا، تاہم واشنگٹن میں نیٹو کانفرنس کے بعد یوکرین کے لیے بہتری آئی ہے۔ یوکرین کے صدر زیلنسکی نے یوکرین کی فضائیہ نے بھی روس کے خلاف کارروائیوں میں ایف 16 لڑاکا طیاروں کا استعمال شروع کر دیا ہے۔
ان کا مزید کہنا تھا کہ یوکرین کو جنگی طیاروں کی پہلی کھیپ موصول ہوئی ہے جسے استعمال میں لایا گیا ہے۔ یوکرین کے صدر نے پریس کانفرنس کرتے ہوئے کہا کہ ایف 16 طیارے ہم نے ڈرون اور میزائل مار گرانے کے لیے استعمال کیے ہیں لیکن اب یوکرین کو ان طیاروں کی مزید ضرورت ہے۔
