اردو ورلڈ کینیڈا ( ویب نیوز)ضلعی انتظامیہ نے تحریک انصاف کی لاہور میں جلسے کی درخواست پر اجازت نہ دینے کا فیصلہ کیا ہے۔
تفصیلات کے مطابق لاہور کی ضلعی انتظامیہ نے تحریک انصاف کی لاہور میں جلسے کی درخواست پر اجازت نہ دینے کا فیصلہ کیا ہے اور ڈی سی آفس نے پی ٹی آئی کو خط بھی لکھ دیا ہے۔
کارکن تیار ہو جائیں کل لاہور میں انتخابی ریلی کی قیادت کروں گا۔ عمران خان
رپورٹ میں کہا گیا ہے کہ ضلعی انٹیلی جنس کمیٹی نے 11 فروری کو ہونے والی ریلی کا جائزہ لیا، جس میں کہا گیا کہ متعدد تھریٹ الرٹس موصول ہوئے ہیں جو کہ خاص طور پر لاہور میں اجتماعات اور حساس تنصیبات کو نشانہ بنانے کی نشاندہی کرتے ہیں۔ اس لیے پی ٹی آئی کی قیادت کی جانب سے ممکنہ خطرے کے پیش نظر سیکیورٹی کی حساسیت کے پیش نظر ریلی جاری رکھنا مناسب نہیں۔
اس میں مزید کہا گیا کہ پی ایس ایل میچ، جشن بہاراں ایونٹس کے دوران گنتی کرنے والوں کی سیکیورٹی اور مردم شماری سمیت پہلے سے طے شدہ پروگراموں کی وجہ سے سیکیورٹی اہلکار پہلے ہی کم ہیں
لاہور میں پھردفعہ 144 نافذ،جلسے جلوسوں پر پابندی عائد کردی گئی ،رینجر ز طلب
ڈی سی او آفس سے مراسلہ میں مزید کہا گیا کہ لاہور میں جلسے کے دوران سیکیورٹی فراہم کرنا ممکن نہیں ہوگا، ڈی سی آفس نے پی ٹی آئی کو ریلی نہ کرنے کا مشورہ دے دیا۔
واضح رہے کہ وزارت داخلہ پنجاب نے لاہور میں دفعہ 144 نافذ کرتے ہوئے کسی بھی قسم کے جلسے یا جلوس پر پابندی عائد کر رکھی ہے۔
