اردو ورلڈ کینیڈا ( ویب نیوز ) ڈالر 210 روپے کا ہو گیا ۔روپے کی بے قدری ،آئی ایم ایف کے ساتھ معاہدے کو حتمی شکل دینے میں تاخیر کے باعث بدھ کو انٹر بینک ٹریڈ کے دوران ڈالر کے مقابلے میں روپے کی قدر میں 2 روپے سے زائد کی کمی ہوئی۔
فاریکس ایسوسی ایشن آف پاکستان کے مطابق، مقامی کرنسی کی قدر میں ڈالر کے مقابلے میں 2.09 روپے کی کمی ہوئی اور یہ 210 روپے پر ٹریڈ کر رہی تھی۔
اسٹیٹ بینک آف پاکستان کے مطابق گزشتہ جمعرات کو کاروباری ہفتے کے آخری روز ڈالر 207.91 روپے پر بند ہوا۔
کرنسی مارکیٹ میں ڈالر کی قدر میں اضافہ جاری رہا تاہم 23 جون کو چین سے 2.3 بلین ڈالر کی آمد نے منظر نامہ بدل دیا کیونکہ روپیہ ایک ہی سیشن میں 4.70 روپے سے بڑھ کر 211.93 روپے سے 207.23 روپے تک پہنچ گیا۔
تاہم امریکی ڈالر نے روپے کو بڑھنے سے روک دیا اور 5 جولائی کو انٹربینک مارکیٹ میں 2.38 روپے کا اضافہ ہوا جو کہ نئے مالی سال کا پہلا اضافہ تھا اور اس کے بعد سے ڈالر کی قدر مسلسل بڑھ رہی ہے۔
ویب پر مبنی مالیاتی ڈیٹا اور تجزیاتی پورٹل میٹیس گلوبل کے ڈائریکٹر سعد بن نصیر نے نوٹ کیا کہ مارکیٹ پانچ دن کے بعد دوبارہ کھل گئی۔
انہوں نے کہا کہ ترسیلات زر کی آمد توقعات کے مطابق زیادہ نہیں رہی جس کی وجہ سے اس وقت روپیہ دبا ئومیں ہے، آئی ایم ایف کے ساتھ معاہدہ ہونے تک یہ دبا ئومیں رہے گا۔
