اردو ورلڈ کینیڈا ( ویب نیوز )وزیر خزانہ اسحاق ڈار نے کہا ہے کہ حکومت کے پاس معاشی بحران کے حل کے لیے کوئی جادو کی چھڑی نہیں، مسائل حل ہونے میں وقت لگے گا۔

اسحاق ڈار نے کہا کہ معاشی بحران پانچ سال کی تباہی کا نتیجہ ہے، بحران کے حل کے لیے بڑے فیصلے کرنا ہوں گے۔

انہوں نے کہا کہ مسائل کے حل کا واحد راستہ مذاکرات ہیں۔ اسحاق ڈار نے یہ بھی کہا کہ ملک کا سب سے بڑا مسئلہ اور چیلنج دہشت گردی ہے اور اسے حل کرنے کا واحد راستہ بات چیت ہے کیونکہ کوئی بھی مسئلہ کبھی بھی تشدد سے حل نہیں ہوتا۔
وزیر خزانہ نے کہا کہ نیشنل ایکشن پلان پر بھی اس طرح عمل نہیں ہوا جیسا ہونا چاہیے تھا۔

اسحاق ڈار نے کہا کہ بدقسمتی سے اہم سیاسی شخصیات بھی دہشت گردی کا شکار ہوئیں، ہم نے اپنے وسائل سے دہشت گردی کے خلاف کامیاب جنگ لڑی۔ انہوں نے کہا کہ ہمیں ماضی کی غلطیوں سے سبق سیکھ کر آگے بڑھنا ہے، ہماری افواج ملک کے تحفظ کے لیے جانوں کا نذرانہ پیش کر رہی ہیں، ہماری سیاست کا محور ہمیشہ عوامی خدمت ہونا چاہیے۔