اردو ورلڈ کینیڈا ( ویب نیوز )الیکشن کمیشن نے پنجاب میں عام انتخابات کے لیے ڈسٹرکٹ ریٹرننگ، ریٹرننگ اور اسسٹنٹ ریٹرننگ افسران کا تقرر کر دیا ہے۔

پنجاب کے 36 اضلاع میں ڈپٹی کمشنرز کو ڈسٹرکٹ ریٹرننگ افسران کی ذمہ داریاں سونپ دی گئی ہیں۔

اس حوالے سے الیکشن کمیشن آف پاکستان نے نوٹیفکیشن بھی جاری کر دیا ہے۔ صوبائی اسمبلی کی نشستوں پر پولنگ 30 اپریل کو ہوگی۔

نوٹیفکیشن کے مطابق ڈپٹی سیکرٹری آبپاشی کیپٹن ریٹائرڈ وسیم کو ڈسٹرکٹ ریٹرننگ آفیسر لاہور تعینات کر دیا گیا ہے، لاہور میں صوبائی اسمبلی کے 29 حلقوں میں ریٹرننگ آفیسر اور اسسٹنٹ ریٹرننگ آفیسرز تعینات کئے گئے ہیں۔

لاہور کے حلقہ پی پی 144 سے پی پی 173 تک انتخابات ہوں گے، پنجاب کی مجموعی بیوروکریسی کے 297 حلقوں میں ریٹرننگ افسران تعینات کر دیے گئے ہیں۔