اردو ورلڈ کینیڈا ( ویب نیوز )الیکشن کمیشن آف پاکستان کی جانب سے پنجاب اور کے پی کے اسمبلی انتخابات کی تیاریاں شروع کر دی گئی ہیں
الیکشن کمیشن آف پاکستان نے پنجاب اور خیبرپختونخوا کی اسمبلیوں کی تحلیل کے بعد دونوں صوبوں میں انتخابات کی تیاریاں شروع کر دی ہیں۔
الیکشن کمیشن نے پنجاب اور خیبرپختونخوا کے گورنرز کو خط لکھنے کا فیصلہ کیا ہے اور یہ تاریخ میں پہلی بار ہوگا کہ صوبائی انتخابات کے لیے گورنرز سے خط و کتابت ہوگی۔
صوبائی اسمبلی کے عام انتخابات کی حتمی تاریخ گورنرز سے لی جائے گی اور الیکشن کمیشن دونوں گورنرز کو خط میں انتخابات کے لیے 3 تاریخیں تجویز کرے گا۔
الیکشن کمیشن نے عدلیہ اور بیوروکریسی سے ڈی آر اوز اور آر اوز بھرتی کرنے کا فیصلہ کیا ہے اور الیکشن کمیشن جلد ڈی آر اوز اور آر اوز کے لیے افسران کے نام طلب کرے گا۔
الیکشن کمیشن پنجاب انتخابات کے لیے انتخابی عملے سے فہرستیں بھی طلب کرے گا، فہرستیں ملنے کے بعد انتخابی عملے کو تربیت بھی دی جائے گی۔
واضح رہے کہ اسمبلیاں تحلیل ہونے کے بعد الیکشن کمیشن 3 ماہ میں اسمبلیوں کے عام انتخابات کرانے کا آئین کے مطابق پابند ہے۔
