ذرائع کا کہنا ہے کہ پنجاب میں 12 ہزار 580 پولنگ سٹیشنوں کو حساس اور 6 ہزار 40 کوانتہائی حساس قرار دیا گیا ہے۔
سندھ کے 6545 پولنگ سٹیشنوں کو حساس، 6524 انتہائی حساس اور 5937 پولنگ سٹیشنز کو نارمل قرار دیا گیا ہے۔ خیبرپختونخوا کے 6166 پولنگ سٹیشنوں کو حساس قرار دیا گیا ہے
بلوچستان کے کل 5 ہزار 28 پولنگ اسٹیشنوں میں سے صرف 961 کو نارمل قرار دیا گیا ہے جبکہ حساس پولنگ اسٹیشنوں کی تعداد 2337 ہے اور انتہائی حساس پولنگ اسٹیشنوں کی تعداد 1730 ہے. ملک بھر میں 90 ہزار 675 پولنگ اسٹیشن بنائے گئے ہیں
دوسری جانب الیکشن کمیشن نے دور دراز کے اضلاع میں بیلٹ پیپرز اور انتخابی سامان کی ترسیل شروع کردی ہے. پاکستان آرمی کی سخت سکیورٹی میں بیلٹ پیپرز اور انتخابی سامان پہنچایا جا رہا ہے.
الیکشن کمیشن کے ذرائع کے مطابق دور دراز کے اضلاع میں بیلٹ پیپرز اور انتخابی مواد کی ترسیل 5 فروری تک مکمل ہو جائے گی. راولپنڈی، اٹک اور اسلام آباد میں انتخابی سامان کی ترسیل 6 فروری تک مکمل ہو جائے گی. 7 فروری کو بیلٹ پیپرز اور انتخابی مواد ریٹرننگ افسران اور پریزائیڈنگ افسران کے حوالے کیا جائے گا.