اردو ورلڈ کینیڈا ( ویب نیوز )الیکشن کمیشن آف پاکستان (ای سی پی) نے قومی اسمبلی کے 13 حلقوں پر ہونے والے ضمنی انتخابات ملتوی کر دیئے۔
چیف الیکشن کمشنر سکندر سلطان راجہ کی زیر صدارت ای سی پی کا اہم اجلاس ہوا، اجلاس میں الیکشن کمیشن کے ممبران، سیکرٹری الیکشن کمیشن اور الیکشن کمیشن کے سینئر افسران نے شرکت کی۔
اجلاس میں سیکرٹری الیکشن کمیشن نے الیکشن کمیشن کو بریفنگ دیتے ہوئے بتایا کہ پنجاب، سندھ اور خیبرپختونخوا کی درج ذیل حلقوں میں ضمنی انتخابات کا شیڈول الیکشن کمیشن نے دیا ہے جس کے مطابق پولنگ 11، 25 ستمبر کو ہوگی
تاہم سیلاب کے باعث الیکشن ملتوی کرنے کا فیصلہ کیا گیا
جن حلقوں میں الیکشن ملتوی کیا گیا ہے ان میں این اے 157، پی پی 139 شیخوپورہ، پی پی 241 بہاولنگر، این اے 22 مردان، این اے 24 چارسدہ، این اے 31 پشاور، این اے 45 کرم، این اے 108 فیصل آباد، این اے 118 ننکانہ، این اے 237 ملیر، این اے 239 کورنگی کراچی، این اے 246 کراچی اور پی پی 209 خانیوال۔
سیکریٹری الیکشن کمیشن کا کہنا تھا کہ سندھ، خیبرپختونخوا اور جنوبی پنجاب میں حالیہ آفات اور سیلاب کے باعث آمدورفت کے ذرائع درہم برہم ہوگئے ہیں، عمارتیں تباہ اور ٹرانسپورٹ کا نظام درہم برہم ہوگیا ہے، جب کہ قومی ایمرجنسی کا اعلان کردیا گیا ہے۔
