پارلیمنٹ یعنی سینیٹ کے ایوان بالا کی 30 خالی نشستوں کے انتخابات کے لئے قومی ، پنجاب اور سندھ اسمبلی میں پولنگ جاری ہے جبکہ خیبرپختونخوا میں صورتحال ابتر تھی.
خیبرپختونخوا میں سینیٹ کے انتخابات کے لیے پولنگ مقررہ وقت پر صبح 9 بجے شروع نہ ہو سکی جبکہ سینیٹ انتخابات کے انتظامات مکمل ہو گئے اور انتخابی عملہ بھی موجود تھا.
خیبرپختونخوا اسمبلی میں اپوزیشن ارکان نے سینیٹ انتخابات ملتوی کرنے کی درخواست جمع کرائی تھی.
انتخابات ملتوی کرنے کی درخواست اپوزیشن کے احمد کریم کنڈی نے صوبائی الیکشن کمشنر کو پیش کی تھی جس میں یہ موقف اختیار کیا گیا تھا کہ ہمارے 25 ارکان نے ابھی حلف نہیں اٹھایا ہے اس لیے الیکشن ملتوی کر دیا جائے.
الیکشن کمیشن نے اپوزیشن کی درخواست پر انتخابات ملتوی کر دئیے۔