اردو ورلڈ کینیڈا ( ویب نیوز) لاہور ہائی کورٹ نے پاکستان تحریک انصاف (پی ٹی آئی) کے 43 اراکین قومی اسمبلی (ایم این اے) کو ڈی نوٹیفائی کرنے کے الیکشن کمیشن کے حکم کو معطل کردیا۔
لاہور ہائی کورٹ کے جسٹس شاہد کریم نے پی ٹی آئی کے ایم این اے یاز فتیانہ سمیت 43 سابق اراکین قومی اسمبلی کے استعفے منظور کرنے کے خلاف درخواست کی سماعت کی۔
پی ٹی آئی ارکان کے وکیل بیرسٹر علی ظفر نے کہا کہ استعفے قبول کرنے کے قانونی تقاضے پورے نہیں کیے گئے۔
تحریک انصاف کے 43 ارکان ڈی نوٹیفائی
پی ٹی آئی کے جن ارکان اسمبلی کے استعفے معطل کر دیے گئے ہیں۔
محمد ریاض خان فتیانہ
نصراللہ خان دریشک
طاہر صادق
ذوالفقار علی خان
حاجی امتیاز چوہدری
ملک محمد احسان اللہ ٹوانہ
رضا نصر اللہ
محمد محبوب سلطان
محمد امیر سلطان
رائے محمد مرتضیٰ اقبال
میاں محمد شفیق
محمد فاروق اعظم ملک
جاوید اقبال ورکھ
محمد شبیر علی قریشی
نیاز احمد
خواجہ شیراز محمود
سردار محمد خان لغاری
رخسانہ نوید
سیمین بخاری
منزہ حسن
نصرت واحد
فوزیہ بہرام
تاشفین صفدر
لال چند
جئے پرکاش
جمشید تھامس
ملک انور تاج
محمد یعقوب شیخ
غزالہ سیفی
صائمہ ندیم
نورین فاروق خان
عظمیٰ ریاض
شاہین نیاز سیف اللہ
گل ظفر خان
جواد حسین
راحت امان اللہ بھٹی
صوبیہ کمال خان
نوشید حامد
روبینہ جمیل
نفیسہ عنایت اللہ خٹک
ساجدہ ذوالفقار
زیل ہما ۔
شونیلا روتھ
جسٹس شاہد کریم نے استفسار کیا کہ کیا قانونی تقاضے پورے نہیں کیے گئے؟
بیرسٹر علی ظفر نے کہا کہ اسپیکر نے استعفے منظور کرنے سے قبل آئین کے تحت انکوائری نہیں کی، اراکین اسمبلی استعفے قبول کرنے کے لیے اسپیکر کے سامنے پیش نہیں ہوئے، اسپیکر اراکین کو سنے بغیر استعفے قبول نہیں کرسکتے۔
عدالت نے الیکشن کمیشن کی جانب سے 43 اراکین اسمبلی کو ڈی نوٹیفائی کرنے کا حکم معطل کرتے ہوئے 43 حلقوں میں ضمنی انتخابات کو بھی اگلے نوٹس تک روک دیا۔
عدالت نے الیکشن کمیشن اور دیگر فریقین کو نوٹس جاری کرتے ہوئے جواب طلب کرلیا۔
