اردوورلڈ کینیڈا ( ویب نیو ز)نگران وزیراعظم انوارالحق کاکڑ نے کہا ہے کہ ملک میں تین سے چار ماہ میں عام انتخابات ہوں گے۔تفصیلات کے مطابق نگران وزیراعظم انوار الحق کاکڑ نے نجی ٹی وی کو انٹرویو دیتے ہوئے کہا کہ سابق وزیراعظم شہباز شریف اور اپوزیشن لیڈر راجہ ریاض نے متفقہ طور پر مجھے نگران وزیراعظم منتخب کیا۔
انہوں نے کہا کہ امید ہے انتخابی عمل جلد مکمل ہو جائے گا، نگرا ن کابینہ محدود مدت کے لیے ہے، معاشی مسائل سمیت دیگر چیلنجز سے نمٹنے کے لیے اقدامات کیے جا رہے ہیں۔ نیز صدر نئے صدر کے انتخاب تک اپنے عہدے پر کام جاری رکھ سکتا ہے جبکہ نئے صدر کا انتخاب نئے الیکٹورل کالج کی تکمیل کے بعد کیا جائے گا۔ تاہم اگر صدر خود مستعفی ہو جائیں تو سینیٹ چیئرمین قائم مقام صدر بن سکتے ہیں۔
بجلی کے بلوں سے متعلق مسائل کے حوالے سے انہوں نے کہا کہ بجلی کے بلوں کے معاملے پر بتدریج بہتری لائی جائے گی۔ مسائل کے حل کے لیے توانائی کے شعبے میں اصلاحات کا آغاز کر دیا گیا ہے جب کہ توانائی کے شعبے میں لائن لاسز، ترسیلی نظام کی بہتری کے لیے اقدامات کیے جا رہے ہیں۔
نگر ان وزیراعظم نے مزید کہا کہ ملکی معیشت کی بہتری کے لیے تاجر برادری کو اعتماد میں لے رہے ہیں۔ متعلقہ حکام کو ذخیرہ اندوزی روکنے کے لیے اقدامات کرنے کی ہدایت کی گئی ہے۔ ذخیرہ اندوزی اور اسمگلنگ کے خلاف مربوط حکمت عملی پر عمل کرنا پچھلی پارلیمنٹ نے نگرا ن وزیراعظم کو کچھ اختیارات دیئے ہیں۔ ہم ان اختیارات کے تحت بہتری کے لیے اقدامات کرنے کی کوشش کر رہے ہیں۔
