اردو ورلڈ کینیڈ ا ( ویب نیوز ) اسرائیل کی جانب سے لبنان میں حملے کے دوران آتش گیر سفید فاسفورس استعمال کرنے کا انکشاف ہوا ہے۔انسانی حقوق کی بین الاقوامی تنظیم کے مطابق اسرائیل نے جنوبی لبنان کے پانچ قصبوں اور دیہاتوں میں رہائشی عمارتوں پر حملوں میں آگ لگانے والے سفید فاسفورس کے گولے استعمال کیے جو کہ بین الاقوامی قوانین کی خلاف ورزی اور جرم ہے۔
یہ بھی پڑھیں
حزب اللہ کےاسرائیل پر میزائل اور ڈرون حملے ،2 اسرائیلی ہلاک ، متعدد زخمی
ہیومن رائٹس واچ نے رپورٹ کیا ہے کہ سفید فاسفورس کیمیکل انسانی گوشت اور ہڈیوں کو جلا سکتا ہے اور عمارتوں کو آگ لگا سکتا ہے۔ مقامی آبادی نے فاسفورس کے استعمال کی تصدیق کی ہے۔ سوشل میڈیا پر مختلف تصاویر اور ویڈیوز میں لبنان کے مختلف علاقوں میں رہائشی عمارتوں پر سفید فاسفورس کے گولے گرتے ہوئے دکھایا گیا ہے۔اسرائیلی فوج نے ایک بیان میں دعویٰ کیا ہے کہ کیمیکل صرف دھوئیں کی سکرین کے طور پر استعمال کیا گیا تھا نہ کہ شہریوں کو نشانہ بنانے کے لیے۔
