سابق انگلش کپتان ناصر حسین نے کہا کہ میں نے بڑی ٹیموں کی ایسی پرفارمنس کم ہی دیکھی ہے، انگلینڈ کی توجہ ٹیسٹ کرکٹ پر مرکوز رہی اور ون ڈے میچز کم کھیلے، ورلڈ کپ کے لیے انگلینڈ کی تیاریاں اچھی نہیں تھیں۔ناصر حسین نے کہا کہ انگلینڈ کی ٹیم مکمل طور پر ایکسپوز ہو چکی ہے۔سابق انگلش کرکٹر ڈیوڈ لائیڈ نے کہا کہ انگلینڈ کی بیٹنگ جدید دور کی کرکٹ جیسی نہیں اور انگلینڈ کے پاس ورلڈ کپ کے لیے کوئی حکمت عملی نہیں ہے۔واضح رہے کہ ورلڈ کپ میں دفاعی چیمپئن انگلینڈ کی کارکردگی انتہائی مایوس کن رہی جس کے باعث انگلش ٹیم سیمی فائنل کی دوڑ سے باہر ہوگئی۔