اردو ورلڈ کینیڈا ( ویب نیوز )وزیر اعظم شہباز شریف کی زیر صدارت قومی سلامتی کمیٹی کے اجلاس کا اعلامیہ جاری کر دیا گیا ہے، جس میں کہا گیا ہے کہ اجلاس میں پیش کی جانے والی تجاویز کی روشنی میں مزید فیصلے کیے جائیں گے۔ وزیر خزانہ اسحاق ڈار نے ملک کی معاشی صورتحال اور چیلنجز سے آگاہ کیا، شرکاء کو حکومت کی معاشی حکمت عملی اور اقدامات کے بارے میں بریفنگ دی گئی
اعلامیے کے مطابق انٹیلی جنس اداروں نے اجلاس کو ملک میں امن و امان کی مجموعی صورتحال پر بریفنگ دی، اجلاس کو دہشت گردی کی حالیہ لہر سے متعلق عوامل اور ان سے نمٹنے کے اقدامات سے آگاہ کیا گیا۔ اجلاس میں اس بات کا اظہار کیا گیا کہ چیلنجرز کو بھرپور جواب دیا جائے گا۔
وزیر مملکت برائے خارجہ امور حنا ربانی کھر نے قومی سلامتی کمیٹی کے اجلاس میں افغانستان کی صورتحال پر بریفنگ دی، اور افغانستان کی عبوری حکومت کے ساتھ پاکستان کے تعلقات کے بارے میں آگاہ کیا۔
اجلاس میں اس بات پر اتفاق کیا گیا کہ پاکستان کے قومی مفادات کو نقصان پہنچانے کی کسی کو اجازت نہیں دی جائے گی، قومی سلامتی کے کلیدی تصور کو نقصان پہنچانے کی کسی کو اجازت نہیں دی جائے گی، پاکستان کی بقا، سلامتی اور ترقی کے بنیادی مفادات انتہائی جرات اور بہادری سے ہوں گے۔
بیان کے مطابق اجلاس میں دہشت گردی کے خلاف شہداء کی عظیم قربانیوں کو خراج تحسین پیش کیا گیا۔
