اردو ورلڈ کینیڈا ( ویب نیوز )وزیر اعظم شہباز شریف اسلامی برادر ملک ترکی کے دارالحکومت انقرہ سے زلزلہ سے متاثرہ علاقے اڈیمان پہنچے اور متاثرین سے اظہار یکجہتی کیا۔
اڈیمان ایئرپورٹ پر ترک وزرا نے وزیراعظم کا استقبال کیا، وزیر تجارت مہمت موش، وزیر مواصلات اور انفراسٹرکچر عادل اسماعیل اولو ایئرپورٹ پر موجود تھے، اڈیمان کے گورنر مہمت چوہدر، ترک پارلیمنٹ میں ترکی پاکستان فرینڈ شپ گروپ کے علی شاہین موجود تھے۔ صدر اور ترک سفارتی حکام نے ان کا استقبال کیا۔وزیر اعظم شہباز شریف نے اڈیمان پہنچنے پر زلزلہ متاثرین کے لیے امدادی سامان ترک حکام کے حوالے کیا۔
وزیرِ اعظم محمد شہباز شریف انقرہ سے آدیامان پہنچ گئے
آدیامان ترکیہ میں حالیہ زلزلے سے سب سے ذیادہ متاثر ہونے والا شہر ہے.
وزیرِ اعظم نے زلزلہ زدگان کیلئے پاکستان کی جانب سے بھیجا جانے والا امدادی سامان ترک حکام کے حوالے کیا. #PMShehbazinTurkiye pic.twitter.com/R0WuWBIcAT
— PML(N) (@pmln_org) February 17, 2023
میاں شہباز شریف نے اڈیمان میں زلزلہ متاثرین سے ملاقات کرتے ہوئے اظہار یکجہتی اور ان کے پیاروں کے جاں بحق ہونے پر تعزیت کی، وزیراعظم نے متاثرین کو پاکستان کی جانب سے مکمل مدد کی یقین دہانی بھی کرائی۔
وزیراعظم نے کہا کہ پاکستانی آپ کے بھائی بہن ہیں، آپ کو مشکل میں کبھی تنہا نہیں چھوڑیں گے، پوری پاکستانی عوام اپنے ترک بھائیوں اور بہنوں کے ساتھ کھڑی ہے، میری عالمی برادری، او آئی سی، اقوام متحدہ اور تمام انسانی ہمدردی کی تنظیموں سے اپیل ہے۔ ترکی کے عوام کی مدد کے لیے اپنا بھرپور کردار ادا کریں۔
وزیرِ اعظم محمد شہباز شریف کی آدیامان میں زلزلہ متاثرین سے ملاقات
وزیرِ اعظم کا ترک زلزلہ متاثرین کو پاکستان کی طرف سے بھرپور مدد کی یقین دہانی.
پاکستانی آپکے بہن بھائی ہیں.آپکو اس مشکل میں کبھی اکیلا نہیں چھوڑے گا. وزیرِ اعظم کی زلزلہ زدگان سے ملاقات. #PMShehbazinTurkiye pic.twitter.com/4YmLlwKMTp
— PML(N) (@pmln_org) February 17, 2023
انہوں نے کہا کہ پاکستان ترکی کو سردی سے بچا ئوکے مزید خیمے اور کمبل بھیجتا رہے گا۔ پاکستان ترکی کے زلزلہ زدگان کے لیے فضائی، سمندری اور زمینی راستے سے امداد بھیج رہا ہے۔ جتنا ممکن ہو سکاامداد بھیجیں گے
Federal Minister for Information @Marriyum_A meeting with victims of the devastating Türkiye earthquake during the ongoing solidarity visit of Prime Minister Shehbaz Sharif to Türkiye. #PMShehbazinTurkiye pic.twitter.com/jM6pmA5Ea4
— PML(N) (@pmln_org) February 17, 2023
وزیراعظم نے ریسکیو آپریشن میں حصہ لینے والی پاکستانی ریسکیو ٹیموں سے بھی ملاقات کی، پاک فوج اور ریسکیو 1122 کے اہلکاروں کی امدادی کارروائیوں کو سراہا۔
زلزلہ متاثرین نے پاکستان کی جانب سے امداد پر وزیراعظم شہباز شریف کا شکریہ ادا کیا۔
