اردو ورلڈ کینیڈا ( ویب نیوز)مسلم لیگ (ن) کے مرکزی رہنما اور وفاقی وزیر دفاع خواجہ آصف نے کہا ہے کہ جب تک ریاست انسانی سمگلنگ کا کاروبار بند نہیں کرتی یہ کاروبار جاری رہے گا
اپنے ایک بیان میں مسلم لیگ ن کے رہنما خواجہ آصف نے کہا کہ انسانی سمگلنگ کا کاروبار اتنا پرکشش ہے کہ لوگ کوئی بھی خطرہ مول لینے کو تیار ہیں، سعودی عرب میں منشیات کی سمگلنگ پر پابندی ہے لیکن پھر بھی لوگ وہاں منشیات لیتے ہیں۔

انہوں نے کہا کہ اسٹیبلشمنٹ نے اپنے افسران کے خلاف کارروائی کی، سویلین سسٹم میں بہت سی رکاوٹیں ہیں، ہمیں قانون کو کام کرنے کے لیے رکاوٹیں عبور کرنا پڑیں گی جو ، پابندی کا آپشن ہمیشہ موجود ہے۔
خواجہ آصف نے کہا کہ یورپ، چین، امریکا میں سوشل میڈیا کو ریگولیٹ کیا جا رہا ہے، ہر جگہ سوشل میڈیا کے کچھ آداب ہوتے ہیں، اس پر نظر رکھی جاتی ہے، یہاں سوشل میڈیا پر لوگوں کو ریاست کے خلاف بغاوت پر اکسایا جاتا ہے۔ 9 مئی کو ریاست کے خلاف بغاوت کا پورا اسکرپٹ سوشل میڈیا پر بنا۔
وفاقی وزیر کا مزید کہنا تھا کہ نواز شریف کے ساتھ بہت بڑا ظلم ہوا، پاناما پیپرز میں 400 سے زائد پاکستانیوں کے نام تھے، نواز شریف کا نام بھی نہیں تھا لیکن پھر بھی ان کے خلاف مقدمہ درج کیا گیا، تنخواہ نہ لینے پر نواز شریف کو نہ اہل کیا گیامیرے خیال میں پہلے اس پر توجہ دی جانی چاہیے۔