اردوورلڈ کینیڈا ( ویب نیوز )بھارتی وزیراعظم نریندر مودی کے دورہ فرانس سے قبل یورپی پارلیمنٹ نے بھارت میں انسانی حقوق کی خلاف ورزیوں کے خلاف مذمتی قرارداد منظور کی تھی۔
یورپی پارلیمنٹ نے یہ بھی مطالبہ کیا کہ بھارت نسلی اور مذہبی تشدد کو فوری طور پر روکے اور مذہبی اقلیتوں کو تحفظ فراہم کرے۔

یوروپی پارلیمنٹ نے بھی انسانی حقوق کو یورپی یونین اور ہندوستان کے درمیان شراکت داری کے تمام شعبوں بشمول تجارت سے منسلک کرنے کے اپنے مطالبے کا اعادہ کیا ہے۔
قرارداد میں کہا گیا ہے کہ ہندوستان میں عدم برداشت نے ریاست منی پور میں نسلی فسادات میں حصہ ڈالا، یورپ تقسیم کرنے والی پالیسیوں کے بارے میں فکر مند ہے جنہوں نے ہندوستان میں ہندو اکثریت پسندی کو ہوا دی ہے۔
قرارداد میں یورپی یونین کے رکن ممالک سے یہ بھی کہا گیا کہ وہ بھارت میں آزادی اظہار اور مذہبی آزادی کے لیے اعلیٰ ترین سطح پر آواز بلند کریں۔
ریاست منی پور میں جاری نسلی اور مذہبی فسادات میں اب تک 142 سے زائد افراد ہلاک اور 54 ہزار سے زائد افراد بے گھر ہو چکے ہیں۔