اردو ورلڈ کینیڈا ( ویب نیوز)کوئٹہ میں شاہراہ اقبال پر پولیس وین کے قریب دھماکے کے نتیجے میں 4 افراد جاں بحق اور 18 زخمی ہوگئے۔
شاہراہ اقبال پر پولیس کی گاڑی کے قریب دھماکے میں 4 افراد جاں بحق اور 18 زخمی ہوگئے۔ دھماکے سے متعدد گاڑیوں، قریبی دکانوں اور مکانات کو بھی نقصان پہنچا۔

واقعے کی اطلاع ملتے ہی تحقیقاتی ٹیموں سمیت پولیس کی بڑی تعداد جائے وقوعہ پر پہنچ گئی، ہسپتالوں میں ایمرجنسی نافذ کردی گئی۔
پولیس حکام کے مطابق جاں بحق ہونے والوں میں 2 پولیس اہلکار بھی شامل ہیں، دھماکے میں جاں بحق ہونے والے 4 افراد کی لاشیں اور زخمیوں کو سول ہسپتال منتقل کردیا گیا ہے۔
، زخمیوں کو شدید زخم آئے ہیں، دھماکے میں جاں بحق ہونے والوں کی شناخت میثم عباسی، محمد شعیب، حکمت اللہ اور کلثوم کے نام سے ہوئی ہے۔
وزیراعلیٰ بلوچستان عبدالقدوس بزنجو اور وزیراعلیٰ سندھ مراد علی شاہ نے دھماکے کی مذمت کرتے ہوئے قیمتی جانوں کے ضیاع پر افسوس کا اظہار کیا اور زخمیوں کی جلد صحت یابی کی دعا کی۔
وزیراعلیٰ بلوچستان عبدالقدوس بزنجو نے آئی جی پولیس سے رپورٹ طلب کرلی، انہوں نے کہا کہ مقدس مہینے میں معصوم لوگوں کا خون بہانے والے انسان کہلانے کے مستحق نہیں