اڈیالہ جیل میں جج ابو الحسنات ذوالقرنین نے سماعت کی۔ شاہ محمود قریشی کی اہلیہ اور بیٹی نے پہلی بار جیل کورٹ کی کارروائی دیکھی جب کہ چیئرمین پی ٹی آئی کے اہل خانہ بھی اگلی تاریخ کو کمرہ عدالت آئیں گے۔
چیئرمین پی ٹی آئی کی بیٹوں سے ملاقات کے حوالے سے عدالت نے سپرنٹنڈنٹ جیل کو طلب کرتے ہوئے حکم دیا کہ بچوں کی ہفتے میں ایک دن چیئرمین پی ٹی آئی سے بات کرائی جائے۔
ایف آئی اے 3 گواہ لے کر آئی تاہم سینئر وکیل کی عدم حاضری کے باعث کوئی کارروائی نہ ہو سکی۔ اگلی سماعت 14 نومبر بروز منگل صبح 9 بجے ہوگی۔
استغاثہ کے 3 گواہوں کے بیانات قلمبند نہ ہوسکے، آئندہ سماعت پر مزید 3 گواہوں کو طلب کرلیا گیا۔