اردوورلڈ کینیڈا ( ویب نیوز )وفاقی کابینہ نے خاموشی کے ساتھ ایک اہم اقدام میں امریکہ کے ساتھ سیکورٹی معاہدے پر دستخط کرنے کی منظوری دے دی ہے جس سے اسلام آباد کے لیے واشنگٹن سے ملٹری ہارڈویئر کی خریداری کی راہ ہموار ہو سکتی ہے۔
کابینہ نے ایک سرکولیشن سمری کے ذریعے پاکستان اور امریکہ کے درمیان کمیونیکیشن انٹرآپریبلٹی اینڈ سیکیورٹی میمورنڈم آف ایگریمنٹ، جسے CIS-MOA کے نام سے جانا جاتا ہے، پر دستخط کرنے کی منظوری دے دی

CIS-MOA ایک بنیادی معاہدہ ہے جس پر امریکہ اپنے اتحادیوں اور ممالک کے ساتھ دستخط کرتا ہے جن کے ساتھ وہ قریبی فوجی اور دفاعی تعلقات برقرار رکھنا چاہتا ہے۔ یہ دوسرے ممالک کو فوجی سازوسامان اور ہارڈ ویئر کی فروخت کو یقینی بنانے کے لیے امریکی محکمہ دفاع کو قانونی تحفظ بھی فراہم کرتا ہے۔
CIS-MOA پر دستخط کا مطلب ہے کہ دونوں ممالک ادارہ جاتی میکانزم کو برقرار رکھنے کے خواہشمند ہیں۔ CIS-MOA پر پاکستان کے جوائنٹ اسٹاف ہیڈ کوارٹرز اور امریکی محکمہ دفاع کے درمیان اکتوبر 2005 میں 15 سال کے لیے دستخط کیے گئے۔
یہ معاہدہ 2020 میں ختم ہو گیا تھا لیکن دونوں فریقوں نے اب اس انتظام کی تجدید کی ہے جس میں مشترکہ مشقیں، آپریشنز، تربیت، بیسنگ اور آلات شامل ہیں۔