اردو ورلڈ کینیڈا ( ویب نیوز )وفاقی کابینہ نے بڑا فیصلہ کرتے ہوئے توشہ خانہ کی تفصیلات پبلک کرنے کی منظوری دے دی۔
وفاقی دارالحکومت میں وزیراعظم شہباز شریف کی زیر صدارت کابینہ کا اجلاس ہوا، جس میں 4 نکاتی ایجنڈے پر غور کیا گیا اور نئی پالیسی پر بریفنگ دی۔
عمران خان کے خلاف توشہ خانہ ریفرنس میں فوجداری کارروائی شروع
اجلاس میں وفاقی کابینہ نے توشہ خانہ کی نئی پالیسی میں مزید ترامیم کی تجویز دے دی، توشہ خانہ سے متعلق بین الوزارتی کمیٹی نے کابینہ اجلاس میں نئی پالیسی پیش کردی، بین وزارتی کمیٹی مزید ترامیم کرکے پالیسی پیش کرے گی
وفاقی کابینہ میں بجلی کے بریک ڈا ئون کا معاملہ بھی زیر غور آیا، وزیراعظم شہباز شریف نے بریک ڈا ئون پر برہمی کا اظہار کرتے ہوئے متعلقہ ڈویژن کے حکام کی سرزنش کی۔
توشہ خانہ ریفرنس ، ٹرائل کورٹ نے عمران خان کو نوٹس بھیج دیا
وزیراعظم نے کہا کہ بتایا جائے کہ بجلی کیوں بند ہوئی اور فوری بحال کیوں نہیں ہو سکی۔ وزیر توانائی نے وزیراعظم کو بجلی کے بریک ڈا ئون پر بریفنگ بھی دی، جس پر وزیراعظم نے عدم اعتماد کا اظہار کرتے ہوئے ذمہ داروں کے خلاف کارروائی کی ہدایت کردی.
اجلاس میں وفاقی وزیر توانائی خرم دستگیر نے بجلی کے بریک ڈا ئون پر بریفنگ بھی دی، کابینہ اجلاس میں ای سی سی اور قانون ساز کمیٹی کے فیصلوں، توانائی کی بچت سے متعلق میڈیا مہم کی منظوری دی گئی
۔
