اردوورلڈ کینیڈا( ویب نیوز)بجلی کے بنیادی نرخوں میں اضافے کے بعد وفاقی حکومت نے گھریلو صارفین پر 1000 روپے تک کے فکس چارجز عائد کر کے ایک اور بم گرا دیا جبکہ دیگر صارفین کے لیے 184 فیصد اضافہ ہو گا۔
حکومت کی جانب سے جاری کردہ نوٹیفکیشن کے مطابق غیر گھریلو صارفین کے لیے مقررہ چارجز میں 184 فیصد تک اضافہ کیا گیا ہے اور یہ فکسڈ چارجز جولائی 2024 سے لاگو ہوں گے۔
نوٹیفکیشن میں کہا گیا کہ گھریلو صارفین کے لیے ماہانہ 301 سے 400 یونٹ استعمال کرنے کے لیے 200 روپے، ماہانہ 401 سے 500 یونٹ تک بجلی کے استعمال کے لیے 400 روپے، 501 سے 600 یونٹ ماہانہ استعمال کے لیے 600 روپے فکسڈ چارجز مقرر کیے گئے ہیں
واضح رہے کہ اس سے قبل گھریلو بجلی صارفین پر مقررہ چارجز عائد نہیں کیے جاتے تھے۔
نوٹیفکیشن میں کہا گیا ہے کہ صنعتی صارفین کے ماہانہ فکسڈ چارجز میں 184 فیصد، کمرشل بجلی صارفین کے ماہانہ فکسڈ چارجز میں 150 فیصد اور زرعی ٹیوب ویل صارفین کے ماہانہ فکسڈ چارجز میں 100 فیصد اضافہ کیا گیا ہے۔