اردو ورلڈ کینیڈا ( ویب نیوز )آئل اینڈ گیس ریگولیٹری اتھارٹی  نے پیٹرولیم مصنوعات کی قیمتوں میں کمی کی تجویز دے دی، قیمتوں میں منگل سے کمی کا امکان ہے۔

ذرائع کے مطابق اوگرا نے پیٹرولیم مصنوعات کی قیمتوں میں کمی کی سمری وفاقی حکومت کو ارسال کردی ہے۔

اوگرا نے پیٹرول کی قیمت میں 7 سے 10 روپے فی لیٹر، ڈیزل کی قیمت میں 8 روپے فی لیٹر تک کمی کی تجویز دی ہے۔

ذرائع کا کہنا ہے کہ وزیر خزانہ اسحاق ڈار اوگرا کی سفارشات پر وزیر اعظم شہباز شریف سے مشاورت کریں گے۔

پیٹرولیم مصنوعات کی قیمتوں سے متعلق حتمی فیصلہ پیر کو کیا جائے گا، آئندہ 15 روز کے لیے پیٹرولیم مصنوعات کی نئی قیمتوں کا اطلاق 15 مئی کی رات 12 بجے کے بعد ہوگا۔

واضح رہے کہ گزشتہ 14 دنوں میں برینٹ آئل مارکیٹ میں خام تیل کی قیمت 77.44 ڈالر فی بیرل تک پہنچ چکی ہے۔