36
اردو ورلڈ کینیڈ ( ویب نیوز ) مقبوضہ کشمیر کی ریاستی اسمبلی کے پہلے اجلاس میں آج آرٹیکل 370 کے خاتمے کے خلاف قرارداد پیش کی جائے گی۔آج مقبوضہ کشمیر کی ریاستی اسمبلی کے پہلے اجلاس میں کشمیر کی ریاست کے خاتمے کے خلاف قرارداد پیش کی جائے گی۔مقبوضہ کشمیر کے نئے وزیر اعلیٰ عمر عبداللہ آرٹیکل 370 پر قرارداد پیش کریں گے جبکہ 5 اگست 2019 کو بھارتی حکومت کے اقدامات کے خلاف احتجاج کیا جائے گا۔
پانچ سال قبل جموں و کشمیر کی خصوصی حیثیت ختم کردی گئی تھی، چھ سال بعد یہ جموں و کشمیر اسمبلی کا پہلا اجلاس ہوگا، لیفٹیننٹ. گورنر منوج سنہا بھی اجلاس سے خطاب کریں گے۔اجلاس میں اسپیکر کا انتخاب بھی متوقع ہے، نیشنل کانفرنس نے اسپیکر کے لیے عبدالرحیم راٹھور کا نام تجویز کیا ہے جبکہ بی جے پی کے سنیل شرما کو قائد حزب اختلاف نامزد کیا گیا ہے۔
