سٹی ٹریفک پولیس مری کے مطابق اب تک مری کی تمام سڑکیں ٹریفک کے لیے کھلی ہیں جب کہ لانگ ویک اینڈ کے باعث ملکہ کوہسار مری میں سیاحوں کی آمد کا سلسلہ بھی شروع ہو گیا ہے۔

پولیس کے مطابق مری میں اب تک دو سے تین انچ تک برف باری ریکارڈ کی جا چکی ہے ، جب کہ مری کی سڑکیں دانے دار برف باری کے باعث پھسلن کا شکار ہیں، اس لیے سٹی ٹریفک پولیس مری کی جانب سے سیاحوں کو ہدایات جاری کی گئی ہیں اور کہا گیا ہے کہ ان ہدایات پر سختی سے عمل کریں۔

پولیس نے سیاحوں کو رات گئے سفر کرنے سے منع کر دیا ہے۔